– Samarbeide når vi kan og konkurrere når vi må.

Orda frå industrileiar Idar Ulstein er framleis ei rettesnor for bransjen på søre. Gjennom samarbeid har vi kome opp med teknologi og produkt i verdsklasse og gjennom sunn konkurranse har vi skjerpa og utvikla oss slik at vi alltid er på veg framover. Samarbeidet pregar kvardagen i næringa vår, og i MAFOSS er samarbeidet i styre og utval også godt synleg.

Gjennom utval og arbeidsgrupper møtest fagfolk frå medlemsbedriftene til diskusjonar og idéutveksling, og ved å legge møta til ulike bedrifter får ein god kjennskap til heile verdikjeda og andre produsentar og utviklingsmiljø. Utvala femner desse fagområda: Kompetanse- og opplæring, HR og personell, Logistikk og produksjon, Helse miljø og sikkerheit (HMS) og Forsking og utvikling (FoU).

Utvala har fokus på saker og områder dei jobbar med til dagleg i sine respektive bedrifter, og deler informasjon og erfaringar frå arbeidet med utvalet dei er med i. Slik utviklar vi oss i lag som bransje på fleire felt og er i god driv framover – saman.

Prosjektet har nemleg god forankring politisk – lokalt og regionalt, og ikkje minst i eit næringsliv som sjølv tok initiativ til prosjektet. Fylkeskommunen og Sparebanken Møre er samarbeidspartar og støttespelarar, som frå ulike perspektiv ser at målsetjinga med prosjektet er samanfallande med eigne overordna mål og verdiar.

Rekruttering for framtida

Prosjektet er involvert på mange ulike arenaer knytt til rekruttering. Det er svært viktig for oss å arbeide saman med andre aktørar, maksimere effekten av ressursbruken, spele kvarandre gode og promotere regionen i si heilheit. Vi hevdar at mykje av jobben her er å tenkje nytt og jobbe smartare med rekruttering for å nå ut til ungdom med alt regionen vår har å by på av yrkesval og moglegheiter.

Vern og utvikling av eksisterande kompetanse
Gjennom modellen for samarbeid om eksisterande arbeidskraft vil MAKOMP leggje til rette for at bedriftene kan leige ut og inn personell seg i mellom ved behov. Dette gjer vi ved å fungere som ei felles plattform der bedriftene kan melde inn ledig kapasitet eller behov for å leige inn personell. Ei slik oversikt over tilbod/etterspørsel opnar for å nytte slike avtalar i større grad enn tidlegare. Prosjektet hjelper også bedriftene med informasjon til tillitsvalde, felles rammer og retningslinjer, avtalar og skriv.

For bedriftene vil prosjektet bety auka evne til å møte svingingar i marknaden, styrka samarbeid med andre bedrifter og redusert risiko for permitteringar. Tillitsvalde og fagforeiningar ser at dette vil bidra til tryggare jobbar, nettverks- og kompetansebygging for dei tilsette, og ynskjer også prosjektet velkommen. Alt i alt er prosjektet svært godt motteke, og vi gler oss til å saman foredle dette samarbeidet vidare!

Styringsgruppe

• Lars Lühr Olsen, Ulstein Verft
• Kjersti Kleven, Prodtex/ Skaparhuset
• Jogeir Romestrand, ENTEC/ Evotec
• Målfrid Nesje, M&R Fylkeskommune
• Geir Sundal, Kongsberg
• Sverre Thorsø, Fellesforbundet

Engasjementet rundt foreininga er godt, og med eit styre som består av personar frå gode bedrifter i næringa er vi visse på at vi er aktuelle og framtidsretta også i åra som kjem.

MAFOSS sitt styret for driftsåret 22/23 er:

• Hans Jørgen Fedog, Green Yard Kleven, styreleiar
• Margrete Heltne Hovde, TUSSA 24/ WATTN, nestleiar
• Jarle Gunnarstein, Larsnes Mek. Verkstad AS, styremedlem
• Jogeir Romestrand, ENTEC Group, styremedlem
• Lars Lühr Olsen, Ulstein Verft, styremedlem
• Per Erik Dalen, ÅKP, styremedlem
• Tommy Fredriksen, Kongsberg Maritime, styremedlem

Dei siste åra har MAFOSS også vore engasjerte i Skaparhuset, der nye idear møter etablert industri. Gjennom Skaparlunsj og samlingar med aktuelle tema er Skaparhuset ein stad der vi møtest og utvekslar idear og erfaringar.

Samferdsel og infrastruktur
Det er ikkje lett å drive industri på holmane på søre Sunnmøre. Det krev i alle fall optimale løysingar for transport på veg og sjø – og i lufta med. MAFOSS jobbar aktivt saman med andre gode krefter for å sikre gode rutetilbod for fly, buss og båt, og er ein tydeleg aktør i arbeidet med sikring av gode vegar og fjordkryssingar.

Politikk
Ingenting kjem gratis, i alle høve ikkje politiske avgjerder. MAFOSS jobbar aktivt inn mot politiske nivå for å fortelje historia vår og for å minne om utfordringane industrien vår har. MAFOSS meiner at sikring av verfta langs kysten er svært sentralt for å oppretthalde arbeidsplassar og for å oppretthalde ein industri av underleverandørar og innovative miljø. Om verfta ikkje får optimale vilkår kan resten også ryke. Dette må våre folkevalde forstå.

Kompetanse
Heile næringa vår er avhengige av at vi bevarer og utviklar kompetansen i næringa. Dette kan fort forvitre om ein ikkje jobbar målbevisst med dette. MAFOSS har jamt fokus på kompetanseutvikling og arbeider inn mot utdanningsmiljøa for å sikre rett tilgang til fagutdanningane vi treng. I tillegg er prosjektet MAKOMP etablert med ekstra fokus på dette feltet.

Samarbeid
MAFOSS samarbeider godt med andre aktørar som jobbar for industrien. Gjennom å dele erfaringar og arbeidsmetodikk oppnår vi samla sett meir enn om vi sit på kvart vårt nes. Dei siste åra har særskilt samarbeidet med NHO/Norsk Industri blitt styrka, noko vi ser god nytte av.